Assartukkanik sillimmasiineq

Nassiussassanik nassiussinialeruit, apeqqutaanani nammineq imaluunniit allat pigisaanik, assartukkanik sillimmasiinissat pisariaqartippat. Nassiussassanik angallassisutut,biilinik aquttutut imaluunniit nassiussassanik naammassinnittartutut, akisussaasutut sillimmasiinissaq ilinnut piumasaqaatigineqarsimappat, uagut isumagisinnaavarput.

Suliffeqarfinnut

Nioqqutissanik pisineq tuniniaanerlu
Assartukkanik sillimmat nioqqutissanik avataaniik pisinermi avammullu tunisaqarnermi nunagisap iluani assartuinermut kiisalu nunarsuup sinneranut assartuinermut sillimmataavoq.

Lastbiilit, umiarsuaq, timmisartoq imaluunniit qimutsuitsut aqqutaat atorlugu assartorneqartartunut, nioqqutissanut amerlanerpaanut sillimmat atuuppoq.

Navianartunut tamanut sillimmataavoq, ajoqusernernut tassanngaannaq ilimaginngisamillu pisunut taarsiiffigitittoqarsinnaalluni.
Nammineq biilerisami nammineq pigisat
Sillimmat saaffiginnittuuvoq, assersuutigalugu sanasunut, sannatiminnik aamma nioqqutissanik naleqartorujussuarnik suliffeqarfiup biiliutaani inissiisartunut. Kisianni aamma suliffeqarfinnit tunisassiorfiusunit imaluunniit pisiniarfinnit nioqqutissanik pisiniartartuminnut assartuisartunut una sillimasiineq atorneqarsinnaalluarpoq.

Pigisatit aserorsimappata, assersuutigalugu ikuallattoornermi imaluunniit aportilluni ajoqusernermi, imaluunniit biilit ujajaaffigineqarnerata kingunerisaanik pigisat tillinneqarsimappata, taarsiiffigineqarsinnaapput.
Saqqummersitsinermi atortorissaarutit aamma nioqqutit
Nunarsuarmi sumiluunniit saqqummersitsinermi imaluunniit takutitsinermi peqataaninni, nioqqutissaatitit imaluunniit sanaartukkat saqqummersitsinermi sillimmasiinerup taarsiiffigisinnaavai.

Aammattaaq saqqummersitsinerup nalaani atortorissaarutitit tamakkerlugit saqqummersitsinermi sillimmasiinerup taarsiiffigisinnaavai, assersuutigalugu iikkat, saqqummiivittut ikkussuiffiittaallu ilanngullugit.

Kingullertut minnerunngitsumillu, saqqummersitsinermi sillimmasiineq aamma nioqqutissaativit atortoriassaarutaativillu, saqqummersitsivissamut saqqummersitsivimmiillu assartorneqarnerinut sillimmasiineq atuuppoq.

Assartuisartutut akisussaaffik
CMR-ip inatsisai naapertorlugit assartuisartutut akisussaanermik sillimmasiut taarsiisinnaavoq nunanut allanut biilerluni ingerlaarnermi sullitat pigisaanik nassiussanik illit akisussaaffigisannik ajoqusiiguit imaluunniit ajoquserneqartut taarsiiffigineqarsinnaapput nunami biilerlutit ingerlaarfigisavit maleruaqqusai naapertorlugit.

Sillimmasiinermi aamma atuuppoq lastbiilinniit kran-italinniit kivitsiniaruit, tamannali aatsaat atuutissaaq assartuinissamik suliassaq illit isumagisassatut tigusimagukku.
Nassiussassanik naammassinnittartutut akisussaaffiit
Inatsisinit, malitassanik akuersissutissanullu naleqquttunik tunngaveqarlutit suliassinneqarsimaguit, nassiussassanik naammassinnittartutut akisussaaffiup sillimmasiinerata eqqartuusivikkut akisussaaffiit taarsiiffigisinnaavai.
Kivitsinissamut akisussaaneq
Kivitsinissamut atortorissaarutit/ kivitsissutit nammineq pigisat atorlugit, imaluunniit attartukkat atorlugitnioqqutissanik kivitsisimaguit ajoquserlugillu, taarsiissussaatitaanermut akisussaaffiit kivitsinissamut akisussaasutut sillimmasiinerup taarsiiffigissavai.

Assartuinissamut isumaqatigiissutit allat ilaattut inissisimanngippat imaluunniit CMR-ip inatsisaata ataaniinngippat atuutissaaq.

Inniminniigit

Incoterms pillugu uani atuarit