Naleqquttumik pisariaqartumillu nakorsamit katsorsartinnerit, aamma angalaninni tassanngaanaq napparsimalissaguit napparsimavimmi innartitaanivit aningaasartuutaanut taarsiiffigineqarsinnaavutit.

10.000 kr, -t tikillugit tassanngaanaq kigutileriteriataarnermi taarsiiffigineqarsinnaaneq. Angalaninni kigutileritinnerit aallartissimassavat, kisianni aatsaat Kalaallit Nunaannut angerlareeruit kigutigileritinnerit inaarsartissinnaallugu.

Angerlamut inigisannut ingerlanneqarnikkut imaluunniit suliaritereernerup kingunerisaanik pilersaarutigisat naapertorlugu angalanissamut naleqquttumik pisariaqartumillu aningaasartuutinut taarsiiffigitissinnaaneq.  Katsorsartiffiusinnaasoq piukkunnarnersiugaq qaninnerpaaffinni katsorsartinnissaq pisariaqartitat pisinnaanngikkukku, angallanneqarnissamut aningaasartuutinut taarsiiffigitissinnaaneq.

Napparsimavimmut innartitaassagaluaruit, angerlamut angallanneqassagaluiaruit imaluunniit angalanivit nalaani toqusuusagaluaruit, amerlanerpaamik inunnut 3-t qanigisannut angalanermut, ilaatigut uninnganermi nerisaqarnermilu aningaasartuutinut taarsiiffigitissinnaaneq.

Angalaninni nakkorsamit akuerisaasumit kukkusumik suliaritissimaguit, peqqinnissaqarfimmut maalaaruteqarnissamut aamma taarsiiffigitissinnaanermik inatsit allanngortinnerisa kingunerisaanik Danmarkimi pisussaaffiusoq naapertorlugu taarsiiffigitissinnaaneq. Annerpaamik 1.000.000 kr.-nit tikillugit taarsiiffigitissinnaaneq.

Angallannikkut ajoqusernermi, ujajaaffigitinnermi imaluunniit saassunneqarnermi, sivikitsumik tarnip pissusaanik ilisimasalimmik oqaloqateqarnermi taarsiiffigitinneq.

Ajoquserneq pisimappat, nunami tassani taarsiivigitinnissaq pillugu inatsit malittarisassat atuuttut tunngavigalugit isumaqatigiissuteqarfiunngitsumi, inunnut imaluuniit pigisanut inatsit malillugit ajoqusiisimaguit, taarsiiffigitissinnaapput. 10.000.000 kr. tikillugu inunnut ajoqusiineq, aamma 5.000.000 kr. tikillugu pigisanik ajoqusiineq taarsiiffigineqarsinnaapput.

Nunami najugaqarfigisap avataani angalanermi, biilimik attartukkamik kaskomut attaveqartumik ajoqusernermi, nammineq aningaasartuutinut taarsiiffigineqarsinnaavoq. Ajoquserneq ataaseq 10.000 kr. Tikillugu taarsiiffigineqarsinnaavoq.

Suliassaq eqqartuussisutigoornissaanut aamma isumaqatigiissitsiniarnissanut suliarineqarneranut tassungalu tunngassutilinnut angalanerup aningaasartuutaanut, naleqquttumik pisariaqartumillu taarsiiffigineqarsinnaavoq. Pisortaniit iperagaanissamut qulakkeerutissamik, akiliussisussamaatimut ernialigaanngitsumik aningaasanik atorsinnaatitaaneq. 200.000 kr.-t tikillugit taarsiiffigineqarsinnaavoq.

Sorsuttoqarnerani, pissutsit sorsunnermut eqqaanartunik pisoqarnerani, inut akornanni imaluunniit politikkikkut eqqissiviilliortoqartillugu, pinngitsunik saassussisoqartillugu, pinngortitami ajunaarnersuaqartillugu imaluunniit inuunermut navianartorsiortitsisumik nappaateqartillugu ilungersunartumik navianartorsiortitsisoqarnerani, qimarngutitsinermi, uninnganermut aamma nerisaqarnermullu aningaasartuutinut taarsiiffigineqarsinnaavoq. Qulaani taaneqareersuni pissuteqarlutit uningatinneqarsimaguit, qaammatit 3-t tikillugit unnuinernut nunallu iluani angalanernut aningaasartuutit taarsiiffigineqarsinnaapput.

Inummik ilisarisimanngisannik saassunneqarsimaguit, sulisinnaajunnaarussutigisannik, peqqinnissaqarfimmit misissortinnikkut ilaatigut anniaateqarnikkut naalliuuteqarnikkullu ajunngitsorsiaqarnissamut aningaasaqarnikkullu taarsiiffigineqarsinnaavoq.
Kr. 500.000-t tikillugit taarsiiffigineqarsinnaavoq. Taarsiifigineqarneq qallunaat nunaanni inatsit naliginnaasut isumaqatigiissuteqareerfiunngitsumi, malittarisassat tunngavigalugit, naatsorsorneqartarpoq.

Qanigisannut pinartoqartillugu ikiorsiissutinut, ilaqutariit aallarussaaffimmi kateritsinnissaanut angalanernullu tunngatillugu aningaasartuutinut, aamma sulisinnaannginnerup kingunerisaanik aningaasarsiaqanngitsoornermi, aallarussaassaguit 100.000 kr. tikillugit naleqquttumik pisariaqartumillu saniatigut aningaasartuutinut taarsiiffigitissinnaaneq.

Ullut 14-t tikillugit ujarneqarnermi aningaasartuutinut taarsiiffigitisinnaaneq. 250.000 kr.-t tikillugit aningaasartuutinut taarsiiffigitisinnaaneq.

 Unnuisarfinniinermut, nerisaqarnermut, sumiiffimmi angalanermut, eqqiaatinut, atisanut, aviisinut atuagassianullu, ullormut ataatsimut annerpaamik 1.000 kr.-mut (ullut 5-t tikillugit) aningaasartuutinut taarsiiffigineqarsinnaavutit, timmisartoq ilaaffigisassat akunnernik 4-ik sinnerlugit kinguaattooqqappat.

Angalanissannut aqqutissaagaluit piffissaq eqqorlugu angallavigeqqullugu saniatigut aningaasartuutinut, aallareersimaguit namminerlu pisuussutiginngisannik angallatissannut inortuillutit taarsiiffigitissinnaavutit. Ulloq unnuarlu ataaseq 1.500 kr.-imut taarsiiffigitissinnaavutit hotel-imi unnuisariaqaruit.

Qanigisavit ilaat tassanngaanaq napparsimariasaalissappat/ajoqusersimassappat  imaluunniit toqusimappat, imaluunniit tillinniarfigitissimaguit, ikuallattoornikkut imaluunniit inigisanni imermik qarsutsineqarsimappat, annerpaamik akikinnernut ilaallutit, angerlaqqusaanivit kingunerisaanik angalassaguit aningaasartuutinut taarsiiffigitissinnaaneq.

 Pilersaarusioreersimasattut uku pissutaallutik angalasinnaajunnaaruit taarsiiffigitissinnaaneq:

• Qanigisamik toqukkut qimaguttoqarnerasigut
• Tassanngaaaq napparsimalersoqarnerasigut/ajoqusertoqarnerasigut
• Inigisanni/niuertarfiutit/allaffiit tillinniarfigitissimappat
• Nammineq suliffeqarfiutinni pinerluttoqarsimappat
• Nammineq suliffeqarfiutinni  eqqunngitsumik isumaqatigiinngittoqartillugu suliunnaartoqarsimappat
• Isiginnittutut, eqqartuusivimmi aalajangeeqqataasussatut imaluunniit eqqartuusseqqataassussatut aggeqqusaaguit
• Kapitinnissat pisariaqartut pisinnaanngikkukkit
• Angallavigisanni pinngortitamit ajunaarnersuaqartillugu imaluunniit assigisaanik pisoqartillugu

Tikiffissannut tikereernivit kingorna akunnerit 3-t sinnerlugit nassatatit kinguaattoorpata, nakorsaatinut inuunermik pisariaqartilluinnakkanik, atisanut aamma eqqiaatinut aningaasartuutinut taarsiiffigitissinnaaneq. Sillimmasiinerup nalinganik ataasiakkaanik qinersisoqarsinnaavoq.

Tillinniarfigitinnermi, tammaasaqarnermi  nammineq pigisanik suliffeqarfivillu pigisai aserorsimappata taarsiiffigitissinnaaneq. Sillimmasiinerup nalinganik ataasiakkaanik qinersisoqarsinnaavoq.