Search and rescue-mut sillimmasiineq

SAR-imut sillimmasiineq

Kalaallit Nunaanni sermersuup misigisassarsiorfiginissaa imaluunniit sinerissap ilaa imarsiorfigissallugu tupinnaannartumik nuannarineqaraluttuinnarpoq, taamaakkaluartoq timersuutaavoq navianarluinnartoq, Kalaallit Nunaanni pinngortitaq silaannarlu sorraatsuummat allanngoraqalunilu. Taamaattumik qanoq iliornissamut piareersartariaqarputit sillimmaserlutillu.

Ilisimasassarsiorluni angalanissamut akuersissummik piniarnissat aallarniutigijuaannaruk

Search and rescue-mik, aamma SAR-imik sillimmasiinermik taaneqartartumik, sillimmasiinissamik neqerooruteqaqqaartinnata, Namminersorlutik Oqartussani ilisimasassarsiorlutit angalanissamut akuersissutissat tigoqqaassavat. Qanoq iliussanersutit uani annertunerusumik atuarsinnaavat.

Inunnut suliffeqarfinnullu

Inunnut inuunerminni immikkuullarissumik misigisaqarusuttunut suliffeqarfinnullu assigiinngitsutigut ilisimatusarnikkut Kalaallit Nunaanni ingerlatserusuttunut Search and rescue-mik sillimmasiineq neqeroorutigisarparput. Minnerpaamik inunnik marlunnik ilisimasassarsiortoqassaaq.

SAR-imik sillimmasiornissaq sooq pisiarisariaqarpiuk?

Namminersorlutik Oqartussat piumasaqaatigaat Ilisimasassarsiornerit suugaluartulluunniit tamarmik soorlu sinerissap ilaa ilisimasassarsiorfigalugu imarsiorfiginiaraani imaluunniit Kalaallit Nunaata sermersuani ilisimasassasiorluni itivinniaraani SAR-imik sillimmasiortoqarsimassasoq.

SAR-imik sillimmasernissaq Kalaallit Nunaata suani pisariaqarpa?

Kalaallit Nunaanni sumiluunniit avinngarusimasumi angalanissamut uninnganissamullu akuersissummik peqaqqaasaatit. Kalaallit Nunaata suatungaani SAR-imik sillimmaseqqaartariaqarnersoq Kalaallit Nunaata assinga takuuk.

SAR-imik sillimmasernerup suut taarsiiffigisinnaavai?

Ujarlernermut aamma annaassiniaanermut aningaasartuutit search and rescue-mik sillimmasiutip taarsiiffigisinnaavai.

Annaassiniarnermut aaningaasartuutinik taarsiisoqassappat piumasaqaataavoq Kalaallit Nunaanni oqartussaasut annaassiniarneq aallartissimassagaat. 

Nammineq qinerneqarsinnaasumik aamma neqerooruteqarpugut ukuusunik:

  • Atortorissaarutitit nassatatillu (ataatsimuinnaq pisiarineqarsinnaapput)
  • Angalanermi ajunaarneq

Ajutoortoqassagaluarpat suut ikiuutaassappat?

Ilisimasassarsiornerit ajutoorpat ajunaalernermillu kalerriillutit taava helikopterit, timmisartut aamma annaassiniartussat Kalaallit Nunaata politiivisa ataqatigiissaassavaat.

Aningaasatigut annertussusiliinerit, taarsiiffigineqarsinnaanngitsut aamma piumasaqaatit

Aningaasatigut qanoq annertutigisumik nalinginnaasumik sillimmasiisoqartarpa?

  • Search & Rescue: Ilisimasassarsiorneq ataaseq annerpaamik DKK 1.000.000.
  • Ambulancenik angallateqarluni oqqussuineq: Ilisimasassarsiornermut peqataasunit inuk ataaseq annerpaamik DKK 600.000.

Taarsiiffigineqarsinnaanngitsut pingaarutillit suuppat?

Makku taarsiiffigineqarsinnaanngillat:

 

  • Annaassiniarneq Kalaallit Nunaanni oqartussaasuniit aallartitaanngitsoq.
  • Eqimattanut arlaqartunut ilisimasassarsiorneq aggulussimappat ujaasinermillu kinguneqartitsilluni.
  • Sermimiit iminnguuttartumik nalliuteqqittartumik tunngaveqartumik ilisimasassarsiorneq unitsiinnarneqarsimappat.
  • Ilisimasassarsiortut sillimmatinut toqqorsivimmut anngutinngitsoornerat pissutaalluni saniatigut pissamaatinik nakkartitsisariaqalerneq, allaat naatsorsuutiginngisamik pisoqarsimaneranik patsiseqaraluarpalluunniit.
  • Ilisimasassarsiornerup atortorisaanik ujaasineq, ilisimasassarsiortunik ujaasinermik tunngaveqanngitsut.

Sillimmasiinermi taarsiiffigineqarsinnaanngitsut allattorsimaffiat tamakkiisoq sillimmasiinermi piumasaqaatini qimerloorneqarnissaa innersuupparput. 

Ilisimasassarsiornermi siulersuisumut peqataasunullu suut piumasaqaataappat?

  • Ikinnerpaamik inuit marluk ilisimasassarsiornermi peqataassapput.
  • Ilisimasassarsiornerup assinganik ilisimasassarsiornermut siulersuisoq misilittagaqassaaq.
  • Ilisimasassarsiornermut peqataasussat Ilisimasassarsiornissap naammassisinnaanissaanut timikkut eqqarsartaatsikkullu pisinnaassuseqartariaqarput, aamma ilisimasassarsiornissap isorartussusissaa, ilungersunarsinnaanera, silap pissuserisinnaasaanut, navianartorsiornermi atortorissaarutinik ingerlatsisinnaanermik aamma tunngaviusumik atugassarititaasunik assigisaanik ilisimasaqartariaqarpoq.
  • Inuttat 70-inik ukioqalereersimassanngillat, nappaateqassanngillat imaluunniit anigorneqarsinnaanngitsunik anniaateqassanngillat.

SAR-imik sillimmasiinermut apeqqutigineqarnerpaasartut

Aallareersimalernermi sillimmasiinerup piffissarititaa sivitsorsinnaavarput?

Naamik, taamaaliorsinnaanngilasi.

Sillimmasiinerup piffissarititaani ilisimasassarsiornerit arlaqartut pilersaarutigineqareersimasumit sivitsuuttoortartut misilittagatsinniit paasinikuuarput. Taamaattumik sillimasiinissaq pisiarigukku ilisimasassarsiornerup ulluatut kingullertut pilersaarutigineqareersoq sillimasiinerup piffissarititaa ullunik 14-nik sivitsorneqassasoq siunnersuutigisarparput. Sillimmasersimanissat qulakkeerniarukku taama iliussaatit.

Nammineq taarsiisinnaanermik peqarutta akia appartissinnaavarput?

Naamik, akimik aalajangersimasumik allanngortinneqarsinnaanngitsumillu SAR-i sillimmateqarpoq.

SAR-imik sillimmasiinermut fakturamik pisinnaavugut?

Naamik, fakturap allagartaanik tunisinnaanngilassi. SAR-imik sillimmasiinissammik neqeroorut fakturatut atorneqassaaq aamma SAR-imik sillimmasiinissamik neqeroorummi akiliinissamut paasissutissat pisariaqartut allaqqapput.

Qaqugukkut kingusinnerpaamik akiliissaagut?

Ilisimasassarsiornissaq sapaatit akunneri 8-t sioqqullugu kingusinnerpaamik akiliissaasi, kisianni sapaatip akunnera ataaseq akiliineq ingerlasinnaasarmat inussiarnersumik maluginiaqquarput.

 SAR-imik sillimmasiinissatsinnut bankikkut qularnaveeqqummik piumasaqassaagut?

Sermersuaq itivillugu ilisimasassarsiorniartut tamarmik bankimut qularnaveeqqummik piumasaqartassapput, ilisimasassarsiorlutik angalasut sermersuarmiit illoqarfik qaninnerpaamut sunaluunniit assartuutaasinnaasoq atorlugu assartuinermut akiliinissamut naammattunik akissaqartariaqarmata.

SAR-imik sillimmasiinermit akilerneqarsinnaanngitsunik pisoqassappat aningaasartuuteqarpalluunniit, bankimi qularnaveeqqutip taarsiiffigisinnaammagu. Assersuutigalugu peqataasup ataatsip ilisimasassarsiorneq naammassissallugu kissaatiginngippagu, imaluunniit sermip aannera pissutaalluni ilisimasassarsiorneq naammassineqarsinnaajunnaarpat.

Namminesorlutik Oqartussaniit akuersissut

Ilisimasassarsiornermut akuersissummik qinnuteqaat

Qinnuteqaat uani aajuk 

Qinnuteqarnissamiut killissarititaasoq

Pilersaarutigineqartutut aallarfissaq kingusinnerpaamik sapaatit akunneri 12-t sioqqullugit qinnuteqassaatit 

Qinnuteqaat uunga nassiuguk

exp@nanoq.gl

 Namminersorlutik Oqartussanut akitsuut

Qinnuteqaatit suliarineqarnissaanut akitsuummik akiliisinneqassasutit naatsorsuutigissavat. 

Namminersorlutik Oqartussani akuersissutit periusissiallu

Akuersissutinut periusissianullu tunngasut aallugillu atuakkit (Tuluttoorput)